سامحيني واسمحي لي كان عزمت الرحيل
________________ واذكريني بس يابنت الحلال بكل خير
اذكريني اذكريني لابتدا الليل الطويل
_______________ واذكريني كل ماغرد على الاغصان طير
اذكر اللي مانوا انه يبدلك ببديل
__________________ اذكري من هو بحبك مايشير ويستشير
ايه انا احبك واحبك حب فوق المستحيل
___________________ ايه ماحبيت مثلك لاصغير ولاكبير
غير شخصن لاذكرته قامت الدمعه تسيل
_________________من عيون اللي عيونه دمعها دايم غزير
في عيوني ياعيوني للشقا اكبر دليل
______________ وفي فؤادي يافؤادي احمل الشي الكثير
احمل من الحزن جوفي شي ماظنه قليل
______________ حزن والله مايطيقه غيري انا انسان غير
والله اني خايف الفرقا على القلب العليل
_____________ خايف ان الوقت الاقشر عكس ماودي يسير
اذكريني كل صبح وكل عصر وكل ليل
_________________اذكريني يوم جيتك واذكريني فالاخير
وسامحيني واسمحي لي كان عزمت الرحيل
________________ واذكريني بس يابنت الحلال بكل خير
.
الشعر و همس القوافي
الخميس يناير 17, 2008 10:33 am
